Ernest Muçi u lëndua dje në sfidën mes Besiktasit dhe Basaksehir.

Futbollisti i kombëtares shqiptare u detyrua të lërë fushën e lojës në minutën e 26-të, të ndeshjes së vlefshme për Superligën turke.

Klubi turk ka dhënë informacion më të hollësishëm për lëndimin e Muçit.

Sulmuesi shqiptar pati një ekzaminim mjekësor sot, ndërsa tashmë i fillon edhe periudha e rikuperimit.

“Gjakderdhje u konstatua në aduktorin e brendshëm të kofshës së djathtë të Ernest Muçit, i cili ndjeu dhimbje dhe nuk mundi të vazhdonte ndeshjen. Trajtimi i Muçit ka nisur nga ekipi ynë mjekësor”, shkruan Besiktasi në deklaratën e dhënë.

Trajneri norvegjez e ka marrë klubin në një periudhë të vështirë, që nuk është në pritshmëritë e tifozëve. Aktualisht rrezikojnë vendin e katërt në kampionat./Arbresh.info